وشلون أبنساك

وشلون أبنساك ياللى للمشاعر تصـون
القلب وشلون ينسا صاحبٍ مـا نسـاه
ذكراك لاغبت تبقا وافيـه مـا تخـون
أغيب معها وأقول شلون طـول جفـاه
يا جارح القلب يا مبري جميع الطعون
فى غيبتك جرح وبقربك تكون النجـاه
الموت فى سلهمة عكشك وسود العيون
اللى تحد المولـع حـد إلـى منتهـاه
فى طلتك تستبيح النور معنـى ولـون
منك القمر يسطع بنوره بعالـى سمـاه
وفى ضحكتك حالى السكر وغيم المزون
وفى هرجتك للكلام يصير طعم وطـراه
أبك أنت صوتك يوصلنى معه للجنـون
أغيب فى بحتـه وأذوق طعـم الحيـاه
تمون فى ذمتـى بإنـك عليـه تمـون
ملكّتك القلب وأعطيتك عليـه الوصـاه
يرخص لك الشعر لا والله كل الفنـون
ترخص لعينك وقدرك دوم يرقا غـلاه
تنهيدة الشوق والهاجس وبدع اللحون
والوجد منك أنت يأخذ للمعانـى ضيـاه
إقلط بصدرى وأخذ ما تشتهى ما تهون
مادمت الاحساس فى صدرى وقمة هواه
من كثر حّنيتك ما أحس غيرك حنـون
دايم شعـورك يغرقنـى بداخـل مـداه
علمتنى كيف احب العطر والزيزفـون
وعلمتنى كيف أعرف الحب فى محتواه
إن غبت شوقك يسامرنى غرام وسكون
وأظم طيفك علـى قلـبٍ تزايـد بـلاه
بدون ما أقول احبك وأنت تدرى بدون
إنظر لحالى وتدرى كيف حبـك رمـاه
لا تستمع هرجة اللى بالقفا يهرجـون
أفات الاخبار دايم مـن كـلام الـرواه
أنساك وشلون هاذى بس يمكن تكـون
ما والله أنساك كود الناس تنسا الصلاه

ابدااااااااااااااع

تسلم يالغالي
كلام رائع واكثر من رائع